Lyrics | الكلمات
 | |
| Hamza Namira - Dari Ya Alby (Acoustic Version) حمزة نمرة - داري يا قلبي (جيتار)ـ |
مالك مش باين ليه؟
قلبك تايه من مدة كبيرة
خايف تتكلم ليه ... في عيونك حيرة وحكاوي كتيرة
متغير ياما عن زمان ... قافل علي قلبك البيبان
حبيت وفارقت كم مكان ...عايش جواك
احساسك كل يوم يقل ... وتخطي وخطوتك تذل
من كتر ما أحبطوك تمل ... فين تلقى دواك
بتودع حلم كل يوم ... تستفرد بيك الهموم
وكله كوم والغربة كوم ... والجرح كبير
مابتديش حاجة اهتمام ... أهلاً أهلاً ... سلام سلام
بقى طبعك قِلة الكلام ... ومافيش تفسير
داري داري ... يا قلبي مهما تداري
قصاد الناس ... حزننا مكشوف
وأهو عادي عادي ... ماحدش في الدنيا دي بيتعلق بشيء إلا و فُراقه يشوف
كل اللي معاك في الصورة غاب ... وطنك والأهل والصحاب
كم واحد ودع وساب ... من غير أسباب
شايف في عينيك نظرة حنين ... بتحن لمين ولا مين
طول عمرها ماشية السنين ... والناس ركاب
مع دقة عقرب الساعات ... بتموت جوانا ذكريات
عشمنا قلوبنا باللي فات ... ونسينا نعيش
كان مكتوب نمشي الطريق ... و نفارق كل مدى شيء
اتسرق العمر بالبطيء ... ورسي على مافيش
وداري داري ... يا قلبي مهما تداري
قصاد الناس ... حزننا مكشوف
وأهو عادي عادي ... ماحدش في الدنيا دي بيتعلق بشيء إلا و فُراقه يشوف
الكلمات
 | |
| Hamza Namira - El Wad El Abeet حمزة نمرة - الواد العبيط |
أنا اللي قولتوا عليه ساذج وطيب
وأنا اللي هتقولوا اتغير قريب
ما بقاش بيقول وماله
بقى بيفكر ف حاله
شاف جروحه.. فاق لروحه
والنهاردة خلاص
مات الواد العبيط
داس على كل اللي فات
مات الواد العبيط
كان طيب بس مات
شالت عيونه الغيامة
ماضي وراح بالسلامة
شاف كدب الوشوش
ماتت حياته البريئة
بانت قصاده الحقيقة
شاف ناس ما يساووش
مات الواد العبيط
داس على كل اللي فات
مات الواد العبيط
كان طيب بس مات
سيبوا حياتي وكفاية
خلصت معاكوا الحكاية
لا.. ده كان زمان
كل اللي فات اسمه غلطة
قلبي شبعان م الأونطة
وفيه مالكوش مكان
مات الواد العبيط
داس على كل اللي فات
مات الواد العبيط
كان طيب بس مات
أنا ماشي ومش مسامح
أستنى ليه؟
ونسيت كل اللي رايح
وهدوس عليه
بوجودكم ف حكاياتي
أنا قلبي تاه
وآما نسيتكم حياتي
رجعت حياة
Lyrics | الكلمات
 | |
| Hamza Namira - Hateer Min Tany حمزة نمرة - هطير من تاني |
كان قلبي يومها ضايع
بيدّور في الشوارع
نفسه يلقي النور
عاجز وحقيقي حاسس
إنه مهزوم ويائس
طير بجناح مكسور
وناديتني ف عز ّهمي
قوتني وشيلت عني
نسيتني طعم الخوف
قولت لي أنا لسه جنبك
افتح لي بس قلبك
صدقني وانت تشوف
ولقيتني بطير من تاني
أحلم لبعيد واخداني
ما بقاش فيه حدود مانعاني
إحساسي بيك قواني
أنا كنت ساعتها خايف
وخلص ما بقيتش شايف
أي أمل موجود
مش قادر أقوم وأكمل
في متاهة ومهما باعمل
فيه ألف باب مسدود
لحظة ما بقيت معايا
اتغيرت الحكاية
رديت لي تاني الروح
مش مصدق عينيا
شايف في اللحظة دي
باب السما مفتوح
ولقيتني بطير من تاني
أحلم لبعيد واخداني
ما بقاش فيه حدود مانعاني
إحساسي بيك قواني
الكلمات
 | |
| Hamza Namira - Zahra حمزة نمرة - زهرة |
كانت صبية بقلب أخضر
زهرة في وسط الشوك بتكبر
شايفة الحياة صافية وبريئة
وما تعرفشي ايه المقدّر
من صغرها كانت بتحلم
زي كل البنات بترسم
عروسة لابسة فستان وطرحة
بس اللي حلم غير اللي فسّر
قابلت ولد حبت كلامه
شدها أوي باهتمامه
صدقت ما كانتش عارفه مخبي ايه
فيه ناس كتير الشر فيها
والمظاهر بتداريها
وزهرة مش شايفة الوش الحقيقي ليه
الطيبة دي ما تغرّكيش
مهما يقول ما تصدّقيش
ده مافيش أسهل من الكلام
إنتي أصلاً مش فارقة عنده
أناني وبيفكر في نفسه
يومين وهيقول لك سلام
وف يوم ولا كان يخطر في بالها
قال لها كلام وجعها
وببساطة الندل باعها
سابها غرقانة ف دموعها
لما من غير ذنب سابها
ابتدا يزيد اكتئابها
حسّت إنه خلاص ما فيش خير في البشر
صدمة صعبة جت في ثانية
حوّلتها لواحدة تانية
أصل أول جرح سهل يسيب أثر
إوعي تبكي مهما شوفتي
في الحياة مكتوب يا بنتي
ننجرح علشان نشوف
عيشي أحلامك زي مانتي
قومي تاني لو وقعتي
مهما كانت الظروف
Lyrics | الكلمات
 |
| Hamza Namira - Bos Bos حمزة نمرة - بص بص |
فرشة صاحب السعادة
معروف في السوق يا سادة
أسعار من غير زيادة
ورجعنا لزمن الرُخص
أنا مش بأبيع غناوة
فيه فصال وفيه نقاوة
مين قدّك في الغلاوة
افتح شنطك ورُص
بص بص بص
مين قال لك تشتري
قرّب حمّل ورُص
ولا مين شاف ولا مين دِري
خُد منّي حتّة حتّة
شيل أبو ستّين بستّة
أو حتى خلّي عنّك
لجل عيونك يا Boss
دي بضاعة ناسها غايبة
ومالهاش صاحب وسايبة
محسوبك صاحي جداً
ما بضيّعش الفرص
دي بضاعة آخر نقاوة
عبّي وليّا الحلاوة
شيل واخلع في الهداوة
من غير ما الناس تحسّ
حمّل كل اللي باقي
فرصة وفيه حد لاقي
شيل في الشيفت المسائي
والدنيا هُس هُس
ما تكبّرش الحكاية
مين هيدوّر ورايا
ده أنا وارث من بابايا
إوعي تفكّرني لص
مولد وصاحبة غايب
والغايب ماله نايب
ماهو سايب ماله سايب
وبيرجع يتقمص
بالراحة وتاتا تاتا
هنسيبها ع البلاطة
بيعة ف غاية البساطة
سيب لي الموضوع ده بس
ما تخلّي عينك قوية
دي الحاجة ليك وليّا
حدّ يردّ الهدية
يا عم بس بس
أنا بعت هناك وهبيع من هنا
زعلان مننا اعمل زينا
الدنيا ربيع والجو بديع
على قدّ ما تقدر بيع
شكلنا معروف وشّنا مكشوف
عيني عينك واللي يشوف ما يشوف
ولا فيه عند اللي جابونا كسوف
واللي هينطق هيضيع
بص بص بص
ورجعنا لزمن الرُخص
بص تخسّ النُص
بص على الحلاوة
بص على النقاوة
ياليل يا ليل
 | |
| Hamza Namira - Wala Sohba Ahla حمزة نمرة - ولا صحبة أحلى |
ولا صُحبة أحلى من تجلّي الذات
ولا حضن أدفى من ونس في النفس
غاب الصُحاب لكن الهوى حاضر
قادر ياخدني لحد عين الشمس
ساب القمر ضيُّه على بابي
نور لي كل اللي طفاه الأمس
أنا وحدي جايز بس منّي كتير
حالمين بعالم فيه قلوب تتحس
يا بحر فاصل شطّنا عنهم
بيننا وبينهم ألف سدّ وسد
عايشين بنلضم جرحنا واحنا
فيه شوك في روحنا ألمه فاق الحد
يا صبح جاي يصحّي في عيوننا
هنعدّي يومنا لو يا دوب ع القدّ
ده الوحدة صُحبة والصدى راجع
يرُد صوتنا هو هو الرد
ننادي تاني بس مين سامع
ولا صحبة أحلى من تجلّي الذات
ولا صحبة أحلى من تجلّي الذات
ولا حضن أدفى من ونس في النفس
 | |
| Hamza Namira - Shuwayyet Habayeb حمزة نمرة - شوية حبايب |
الكلمات
ييجي علّيا الليل ويطوّل
والشتا بقى أسقع م الأول
واللي يشوفنا هيفهم حالنا
لو شفت دموعي هتعذرني
كل شوية الذكرى تزورني
أيوة يا قلبي أنا عارف مالنا
ناقصنا شوية حبايب
كلمتين ويّاك يا غايب
ولا نظرة حنيّنة
ناقصنا حدّ يواسينا
لما بيطبطب علينا
يهدى ويرتاح قلبنا
لسه البُعد مأثر فيّا
لسه دموعنا يا قلبي وفيّة
ويا ترى همّ بيبكوا عليّا؟
لسه البال في غيابهم شارد
حاسس إن رجوعهم وارد
بس بنسبة كام في الميّة؟
رايحة وجاية عينيك ع الصورة
فيه حتّة ف قلبك مكسورة
طب هات كده عينك ف عينيّا
ولا دي ملامحك ولا ده إنت
فرحك دايماً ناقص حتة
لساك مش عارف ايه هي؟
ناقصنا شوية حبايب
كلمتين ويّاك يا غايب
ولا نظرة حنيّنة
ناقصنا حدّ يواسينا
لما بيطبطب علينا
يهدى ويرتاح قلبنا
ناقصنا شوية حبايب
مشتاقين للقاك يا غايب
شوف بقالنا كام سنة
ناقصنا حدّ يواسينا
لما بيطبطب علينا
يهدى ويرتاح قلبنا
 | |
| Hamza Namira - Sheekayyo حمزة نمرة - شيكايو |
Lyrics | الكلمات
حاسب ياسطى
هدّي ياسطى
هنموت ياسطى
بالصلاة ع النبي أنا هحكيلكم حكايتنا الأزلية
يادي الوكسة دي نفس الحادثة بتتعاد كل شوية
أنا راكب أتوبيس مع ناس
مجانين وأنا بينهم محتاس
ونازلين كوبري بآخر سرعة
والسواق داخل على ترعة
شيكايّو يا شيكايّو
سوّاقنا ده مافيش زيّه
والسواق مبسوط وبيضحك ومافيش حتى فرامل
كل ما أقول له هنغرق ياسطى ولا سامع ولا سائل
والركاب مقسومة نصين
واحنا ف وسطيهم مساكين
فيه ناس تطبّل له وبتشجّع
وناس بتدعي الأتوبيس يولع
شيكايّو يا شيكايّو
سوّاقنا ده مافيش زيّه
ياباشا معاك بني آدمين
شيل رجلك من ع البنزين
يا باشا ما تخش شمال
هو انت ما عندكش عيال
ياسطى وحياة أبوك
أنزل هنا أرجوك
وفي تلك اللحظة التاريخية
واحنا بنبقلل في الميّة
الحدوتة خلصت يا عنيّا
ونتقابل في الحادثة الجاية
ياللي ع الترعة حوّد ع المالح
احنا في الميّة من ليلة امبارح
سيّد يا سيّد في الخيبة نصبح ونبيّت
ما تزغرطي يامّ فاروق
ابنك في الميّة مزنوق
سواقنا ده مافيش زيّه
 |
| Hamza Namira - Madadd حمزة نمرة - مدد |
الكلمات
مدد
كلمات: محي حوّار
ألحان: كريم عبد الوهاب
توزيع: كريم عبد الوهاب
اللهم صلّ على سيدنا
محمد يا أشرف خلق الله
اللهم صلّ على سيدنا
يا حبيبي يا رسول الله
يا مبعوث فينا
نورت المدينة
جئت بالرسالة
والأمر ابتدى
يا أميّاً علّم
بالصدق تكلّم
اللهم سلّم
على نور الهُدى
مدد يا نبي مدد
مدد يا نبي
يا خير البرايا
ومُبتدى الحكاية
أحضرت الهداية
ومُحلّى بالرضا
يا خير الأنام
يا مسك الختام
أنت لي إمامي
قلبي بك اهتدى
مدد يا نبي مدد
مدد يا نبي