ANA تحليل ال
او انتي نيوكليار انتي بوديز او انا
تحليل معروف عند مرضى مش قليلين من اللي اشتكوا
في وقت من الاوقات من الام
بالمفاصل او اعراض روماتيزمية
اخرى. والاعراض دي تطلبت ان هما
يعملوا بعض التحاليل اللي
بنطلبها في خطوات تشخيص الامراض
الروماتيزمية المناعية. واللي
ANA بيكون من ضمنها تحليل ال
ANA الفيديو ده عن تحليل ال
واهميته مش بس في اننا
نعرف المعلومات الاساسية العلمية عنه
لأ كمان في اننا نلفت
انتباهك للمعلومات الخاطئة
الشائعة ايضا عنه. خاصة وان فيه
فرق كبير جدا فى ترجمة نتيجة هذا التحليل
بين اطباء الامراض الروماتيزمية
المتخصصين وبين الغير متخصصين
اللي معلوماتهم متواضعة حبتين
انا دكتور حاتم العيشي استشاري
الامراض الروماتيزمية بمصر
والسعودية وبمنصة طبيبكم
للاستشارات الطبية اون لاين
ودي قناتي قناة دكتور حاتم العيشي
على اليوتيوب
اللي بنقدمه فيديوهات عن الامراض
الروماتيزمية المختلفة للمرضى
وكمان فيديوهات تثقيفية لاطباء
الروماتيزم
ما تنساش تشترك في القناة لو سمحت وتفعل جرز
الاشعارات
احنا بننشر حوالي عشر فيديوهات جديدة عن الامراض
الروماتيزمية كل شهر.
النقط اللي هنتكلم عليها في
الفيديو ده هنترجم الاول اسم
ANA تحليل
من اللغة الانجليزية الى العربية ودي لها اهمية معينة
ANA امتى الطبيب بيطلب التحليل بتاع
ANA ازاي الطبيب بيترجم نتيجة تحليل
ازاي التحليل الايجابي ممكن
يفيدني في عملية التشخيص بطرق
اكتر من مجرد ايجابيته. واخيرا
هنشرح ان التحليل ده مسموش
تحليل الزئبة لو سمحت. اول نقطة
ترجمة اسم التحليل من الانجليزية
الى العربية.
ايه ان ايه اوتحليل انتي نيوكليار انتي بوديز
يعني تحليل الاجسام المضادة ضد احد
منتجات نواة الخلية في الانسان نفسرالحتة دي اكتر شوية يعني
ايه منتجات الخلية
دي الخلية اللي في جسم الانسان ودي النواة
بتاعة الخلية
النواة دي في الطبيعي في كل البشر مصنع بينتج
مكونات مختلفة وبعد ما بينتجها
المكونات دي بتستقر في المكان
المخصص لها في الخلية. بعضها
بيكون مكانه اللي هيستقر فيه
داخل النواة برضو. وبعضها بيكون
في مكان تاني جوة الخلية نفسها
زي جدار الخلية او السائل اللي
في الخلية اللي هو اسمه السيتوبلازم بتاع
الخلية.
ايجابية تحليل معناها المبدئي وهنفسر الكلام ده اكتر
ان الجسم تقريبا كده عامل اجسام
مضادة ضد واحد من المنتجات اللي
بينتجها اللي بتنتجها النواة
بتاعة الخلية. النقطة التانية
ANA امتى الطبيب بيطلب تحليل
اهميته الكبيرة في الطب انه
بيطلع ايجابي بنسبة مرتفعة انا
قلت ايجابي ولزقت فيها بنسبة
مرتفعة في عدد من الامراض
الروماتيزمية المناعية زي الزئبة
والمختلط والتهاب العضلات
المناعي وتصلب الجلد المناعي
والروماتويد مفيش مانع كمان وكمان مرض شوغرن وامراض
او حالات روماتيزمية اخرى سواء
في الكبار او الاطفال زي نوع
معين جدا من انواع الروماتويد
الاطفال فطبيعي انه لو طبيب
الروماتيزم شاف مريض بيشكو من
اعراض تقترح اي واحد من هذه
الامراض انه يطلب هذا التحليل من
ضمن التحاليل اللي وارد يطلبها
للمريض لان ده هيساعده في عملية
التشخيص مقولتش ان هو ده اللي
هيعمل التشخيص ويؤكده. قلت عشان
هيساعده في عملية التشخيص
والجملة دي مهمة لان التحليل ده
حتى ممكن يطلع سلبي في احد
الامراض اللي انا ذكرتها ولسه
التشخيص برضو يتعمل. افتكر دائما
ان مدير تشخيص الامراض هو الطبيب
وليس التحليل زي ما مرضى كثير
فاهمين للاسف. يبقى كده لحد
دلوقتي عرفنا ليه الطبيب ممكن
يطلب هذا التحليل لمريض ما
النقطة الثالثة
ANA ازاي الطبيب بيترجم نتيجة تحليل
. لو كان التحليل ايجابي
بنسبة مرتفعة فطبيب الروماتيزم
اللي طلب التحليل طبعا لسبب وجيه
اصلا هيضعف الاعتبار طبعا. ووارد
يستعمله مع علامات تانية علشان
يبني تشخيص مرض روماتيزم معين في
مريض ما. بالمناسبة انواع
العلامات المختلفة اللي بنشخص
بها الامراض هي تلاتة. اعراض
المريض والكشف على المريض
وتحاليل المريض.
انت قلت يا دكتور عشان يبني تشخيص مرض
تقصد ايه؟ يبني تشخيص
ما هو اصل امراض كتيرة منها الامراض المناعية
الروماتيزمية بتتشخص بناء على
استيفاء المريض لحد ادنى من
علامات اجتمعت مع بعضها
ففي هذه الحالة ايجابية تحليل ده هيبقى
بمثابة طوبة بنضيفها لعلامات
ثانية حصلنا عليها وبنستخدمها
واحنا بنبني التشخيص بتاع المريض
ده. لو كان التحليل ايجابي بنسبة
ضعيفة يعني يدوبك بيشد على رجليه
عشان يطلع ايجابي لسه ممكن نقرر
ان نتيجة التحليل ده تهمنا برضو
لان المريض فعلا عنده اعراض
وعلامات تقترح احد الامراض
الروماتيزمية اللي بيكون فيها
هذا التحليل ايجابي فنعطيه وزن
برضو وبناخد به ايجابياته هنا
ده غير ان ممكن كمان نعيده بعد
شهور او سنة لو احتجنا لتوثيق
ايجابيته في امراض معينة
للمعلومية بقى هنا التحليل
الايجابي بنسبة ايجابية ضعيفة
ده له اسباب اخرى كمان غير
الامراض الروماتيزمية المناعية.
زي على سبيل المثال انه يطلع
ايجابي في بعض الامراض
الميكروبية الفيروسية بالذات
وكمان بيطلع ايجابي في نسبة خمسة
الى عشرة في المية من الناس اللي
ماشيين في الشارع اللي ما عندهمش
اي امراض اصلا. والمعلومة دي مهمة
للمرضى اللي بيعملوا تحليل
احيانا بشكل عشوائي وخلاص
سواء هم طلبوها لنفسهم او طبيب غير
مختص طلبها لهم. من غير اي اعراض
تقترح اي مرض مناعي
ويطلع لهم تحليل زي ده ايجابي ويلفوا بيه
على الدكاترة محتارين. او
يتشخصوا تشخيصات غريبة من غير
طيب يا دكتور ده طلع ترجمة
نتيجة التحليل ده فيها كلام
واخد وعطا وايجابية لها وزن
وايجابية ما لهاش وزن. انا كده
هتلخبط في التشخيص
ومين قال لك ان جاي اعلمك تشخص ازاي اصلا
انا جاي افهمك ايه اللي بيحصل في
الدنيا عشان وانت بتتشخص
وبتتعالج تحت اشراف طبيب متخصص
تبقى متنور. تبقى فاهم راسك من
رجليك وتبقى فاهم الدنيا ماشية ازاي
ما تنساش ابدا الهدف من كل
هذه الفيديوهات
النقطة الرابعة
النقطة الرابعة
التحليل اللي بتطلع نتيجته ايجابية بيكون ملحق
معاه نتيجة تانية اسمها نمط
النتيجة الايجابية. والنمط ده
حسب نوعه بيكون بمثابة علامة
معملية بتقول ان الاجسام المضادة
اللي ضد منتجات النواة اللي في
المريض ده من النوع اللي متوجهة
ضد منتجات النواة اللي في جدار
الخلية بالتحديد. ولا منتجات
النواة اللي عايمة في السيتوبلازم بتاع
الخلية بالتحديد ولا منتجات
النواة اللي مقرها داخل النواة
نفسها بالتحديد. وده يفيد في ايه؟
لو فرضنا مثلا ان عندي
النمط
اللي بيفيد ان الاجسام المضادة
هنا متوجهة ضد منتجات النواة
اللي في جدار الخلية نمط بنسميه ريم باترن
بالانجليزي واحنا عارفين ان
المنتج بتاع النواة اللي في جدار
الخلية اسمه كذا بالتحديد اسمه
منتج الدي إن إيه نروح ساعتها طالبين من
المعمل التحليلي الاضافي الجديد
اللي اسمه فحص الاجسام المضادة
ضد الدي إن إيه بالتحديد ولما يطلع ايجابي
وغالبا هيطلع ايجابي هنا في
الناس اللي عندهم النمط ده اللي
هو ده يبقى انا كده عندي علامة
جديدة اضافية وكمان مهمة جدا
ببني بها تشخيص مرض مناعي معين
في هذا المريض. او بعمل تأكيد
اكتر لهذا التشخيص
اصل خطوة اني احدد الاجسام المضادة اللي ضد
منتجات النواة اللي في المريض ده
ضد اي منتج من منتجات النواة بالتحديد
اقوى بكتير في دلالتها
وفي قدرتها على تشخيص مرض بعينه من
اني اقول ان هو عنده اجسام مضادة
ضد احد منتجات النواة وخلاص من
غير ما احدد المنتج ده
بمعنى اخر تحليل الايه ان ايه ده
نقدر نعتبر ايجابيته افادتها في تشخيص
الامراض المناعية الروماتيزمية
افادة عامة يعني ايجابيته بتفتح
الباب بتاع الامراض اللي
الجسم بيعمل فيها اجسام مضادة ضد
منتجات النواة بصفة عامة. من غير
ما تحدد انهي واحد من منتجات
النواة بالظبط او بالذات هو اللي
اتعمل الاجسام المضادة ضده
والتشخيصات المحددة عادة بتكون
مربوطة بتحاليل بتاعة اجسام
مضادة ضد منتجات معينة جدا من
منتجات النواة بتاعة الخلية
نمط ايجابية التحليل بقى هو اللي
بيقترح علي نوع الفحص المحدد جدا
بتاع الاجسام المضادة اللي اطلبه
من المعمل واللي يخليني اعرف
بالذات ايه هو المنتج من منتجات
النواة اللي الاجسام المضادة
اتعملت ضده. وده بيقدر يحدد لي
تشخيص بعينه في بعض الروماتيزمية المناعية
النقطة الخامسة وهي
في نفس الوقت ختام هذا الفيديو
التحليل ده ما اسموش تحليل
الذئبة والنبي. تحليل الايه ان ايه ما اسموش
تحليل الذئبة والنبي. ما اسموش
تحليل الذئبة والنبي الاتنين مع بعض
تحليل الايه ان ايه زي ما احنا عرفنا
دلوقتي اهو له اسباب وجيها نطلبه
عشانها وله طريقة علمية نترجمه
على اساسها. التحليل ده ما اسموش
تحليل الذئبة زي ما بعض المرتزقة
بيسموه. ممكن يطلع ايجابي في
مرضى الذئبة الحمرا زي ما وضحنا
وكمان ممكن يطلع ايجابي في امراض
تانية كتيرة. اختزال الى انه
تحليل الذئبة ده نوع من انواع
التخلف في ممارسة الطب ونوع من
انواع البلبلة في عملية التشخيص
اللي احنا اكيد في غنى عنها
وبالتالي ارجوك ارجوك لو التحليل
ده طلع عندك ايجابي خصوصا لو كان
اللي طلبه منك شخص غير متخصص في
الامراض الروماتيزمية. وقال لك
ان تحليل الذئبة عندك طلع ايجابي
فده معناه انه غير ملم بالمرة
باي حاجة من اللي احنا قلناها
هنا في الفيديو ده. عن التحليل
وامتى نطلبه؟وليه بنطلبه؟وازاي
بنترجم نتيجته ويبقى احسن حاجة
ساعتها تعملها مع اللي بيقول لك
كده ان ده تحليل الذئبة انك
تسيبه وتطلع تجري
وصباح الفل