في عندنا قائمة طويلة من
العلاجات الدوائية اللي ممكن
استخدامها في علاج الروماتويد
المفصلي او التهاب المفاصل
الصدفي. لو تم وصف واحد او اكتر
من هذه الادوية لمريض رجل بيخطط
هو وزوجته للحمل. فمن المهم جدا
اننا نكون عارفين اذا كان هذا
العلاج الموصوف للرجل بيأثر
على الخصوبة عند الرجل ولا لا.
واذا كان ممكن يأثر على الجنين
ويعمل فيه تشوهات ولا لا. في
الفيديو ده هنتكلم على تأثير
علاجات الروماتويد او التهاب
الصدفي على الجنين لو كان الاب
هو اللي بيتعاطى هزه العلاجات
تأثير العلاجات على الخصوبة
هنتناوله في فيديو تاني. انا
دكتور حاتم العيشي استاذ
الروماتيزم بجامعة القاهرة
بجمهورية مصر العربية. واستشاري
بموقع طبيبكم للاستشارات الطبية
اونلاين. اللي بنقدمه هنا هو
سلسلة كبيرة من الفيديوهات عن
انواع مختلفة من امراض المفاصل
وكيفية التعامل معها. قبل ما
نبدأ ارجو انك متنساش تشترك في
قناتي وتفعل جرس الاشعارات. عشان
ما تفوتش اي جديد ممكن يساعدك في
فهم او في التعامل مع الامراض
الروماتيزمية المختلفة.
نبدأ الاول بمعلومتين مهمين جدا
عن العلاجات المستخدمة في علاج
الروماتويد او التهاب المفاصل
الصدفي وعن تأثيرهم بصفة عامة
على اي حاجة تخص الحمل سواء في
السيدات او الرجال. المعلومة
الاولى معظم المعرفة المتاحة
لينا عن تأثيرات هذه العلاجات
بشكل عام على الجنين هي في
الحقيقة تأثيراتها المحتملة
وكانت الام هي اللي بتستخدمها
وليس الاب. التأثير على الجنين
لو الاب هو اللي كان بيستخدم هذه
العلاجات معلهوش كلام كتير بنفس
قدر. المعلومة التانية معلوماتنا
ومعرفتنا عن تأثير اي عقار على
الجنين في البشر عمرها مهتيجي
ابدا من اي ابحاث بتتعمل على
الانسان. بحيث اننا مثلا نخلي
بعض الاشخاص يستخدموا علاجات
معينة واشخاص تانيين ما
يستخدموهاش وبعدين نقارن اللي
حصل للجنين في المجموعتين. اللي
هي يعني المنهج التجريبي المتبع
في البحث العلمي واللي بتتعمل به
ابحاث علمية تانية كتيرة. مش
هيحصل كده ابدا في مجال الحمل و
التأثيرات على الجنين لان اخلاقيات مهنة
الطب متسمحش طبعا باننا نعرض
البشر لمثل هذه المخاطرة
معرفتنا في هذه الجزئية بتيجي من
الملاحظات اللي بيسجلها وينشرها
الاطباء اللي كانوا بيتابعوا
المرضى اللي استخدموا العلاجات
المختلفة على مدار السنين. واللي
بتقترح جدا او حتى تكاد تثبت مع
زيادة عددها وبالتالي قوة
احصائياتها ان العلاج الفلاني ده
ليس له تأثير على الجنين. وان
العلاج الفلاني ده له تأثير او ممكن
يكون له تأثير على الجنين. ندخل
بقى في قلب الموضوع. ادوية
الروماتويد والتهاب المفاصل
الصدفي وتأثيرها على الجنين لو
كان الاب هو اللي بيستخدم العلاج
لا توجد ادوية تستخدم
حاليا لعلاج الروماتويد المفصلي
او التهاب المفاصل الصدفي اثبت
عنها انها تتسبب في تشوهات
بالجنين لو كان الاب هو اللي
بيستخدمها. في ملحوظة مهمة جدا هنا
الوضع مختلف جدا بالنسبة
للامهات. بعض الادوية التي لا تسبب
تأثيرات على الجنين لو استخدمها
الاب ممكن تؤثر وتؤثر سلبا جدا
كمان على الجنين لو استخدمتها
الام. وبالتالي لاحتمالية
التأثير على الجنين لو الام هي
اللي بتستخدم العلاج. هنرجع
للفيديوهات التانية زي مثلا
الروماتويد والحمل والولادة
والرضاعة. او لفيديوهات جديدة
هنزلها قريب عن الموضوع ده على القناة
فيما يتعلق بقى
باحتمالية تأثير هذه الادوية
على الجنين لو استخدمها الاب
بنقسم الادوية المختلفة الى تلات
مجموعات حسب مقدار الثقة والتأكد
اللي عندنا انها لا تؤثر سلبا على الجنين
المجموعة الاولى
الادوية هنا يفترض عموما على
مدار سنوات كتير انها امنة. نقصد
هنا انه مع استخدام الاب لهذه
الادوية لا يتجاوز خطر حدوث
تشوهات خلقية للطفل نسبة التلاتة
الى خمسة في المية اللي وارد
تحصل بصفة عامة في البشر من غير
ما يكون الاباء او الامهات
بيتعاطوا اي ادوية اصلا. الادوية في
المجموعة دي تتضمن مبدئيا كده
الميثوتريكسات قلنا نبدأ به هو بالذات لان عليه
كلام وشوشرة كتيرة فقلنا نوضح
حقيقة موقفه. تعرض الاب
اكرر تعرض الاب وليس الام بالتأكيد
لان دي حسبة تانية خالص. تعرض
الاب للميثوتركسيت قبل ما زوجته تحمل لا يؤثر
سلبا على الجنين. انا عارف انك
بتقرا كتير على جوجل عن
التحذيرات اللي من الميثوتريكسات وده شيء
هيخليك قلقان كتير طبعا. اللي
انت محتاج تعرفه هنا ان التوصيات او
النصايح اللي انت ممكن تكون
قريتها انك المفروض توقف الميثوتريكسات قبل
تلات شهور من الحمل هي مش مبنية
اصلا على ان دي معلومة مثبتة
وعلى اننا فاهمين تأثير معين
مثبت بيعمله الميثوتريكسات على عملية انتاج
الحيوانات المنوية بطريقة تؤثر
على الجنين. كل ما في الامر ان
الاطار الزمني لانتاج الحيوانات
المنوية الجديدة في الرجال بصفة
عامة هو تلات شهور. فجت بعض
الهيئات قالت احتياطي بما ان
عليه تحفظات اكيدة في السيدات. نخلي
التحفظات دي بالمرة تطول
استخدامه في الرجال. اهو زيادة
احتياطي وخلاص. لكن من غير اي
اساس. في نفس الوقت لم يذكر في
اي حاجة منشورة ان له تأثير فعلا
لو الرجل كان بيستخدمه. وعمر ما
دي كانت خبرتنا به واحنا بنوصفه
بقى لنا سنين كثيرة جدا
ايه ثاني ادوية مهمة في المجموعة الاولى؟
ايه تاني ادوية مهمة في المجموعة الاولى؟
هقولك الاسماء
التجارية المشهورة وهتلاقي
الاسماء العلمية كمان على
لاتوجد بيانات تشير الى تأثير على
الجنين لهذا العقار اذا استخدمه الاب
ادوية اخرى في هذه المجموعة
والادوية البيولوجية زي.
المجموعة تانية مجموعة الادلة المحدودة
الكلام على ادوية
المجموعة دي انه من غير المحتمل
ان تكون الادوية هنا ضارة. ولكن
البيانات والمعلومات اللي عندنا
لاثبات كده محدودة نوعا ما
الادوية في المجموعة دي
المجموعة الثالثة دي بقى مجموعة ما نعرفش
معندناش معلومات
كافية عن الادوية دي فيما يخص
جزئية احتمالية تأثيرها على
الجنين. السبب في كده ان جديدة
جدا لسه في السوق وما لحقناش
نكون قاعدة بيانات عنها في هذه الجزئية
الادوية في المجموعة دي زى
اخيرا نظرا للاهمية القصوى
للمعلومات المذكورة في هذا
الفيديو للازواج اللي بيخططواللحمل
ونظرا لان في معلومات
مطمئنة عن بعض العلاجات اللي
ذكرناها هنا اللي في نفس الوقت
غير او عكس حتى اللي هم بيسمعوه عنها
فانا هسيب في المصادر
والمراجع اللي مذكور فيها كل الكلام ده
وضروري لو حد قال لك
كلام مختلف عن المذكور هنا انك
تطلب منه برضو المصدر اللي هو
بيستند اليه عشان كل حاجة تبقى واضحة وعلى بينة
المعلومات اللي
في الفيديو ده محدثة حتى يونيو2022
الوقت اللى
انا سجلت فيه الفيديو دوت. لو
استجد امور جديدة مهمة او كان
فيه احصائيات جديدة مهمة هينزل
فيديوهات اجدد من كدهوت فيها
البيانات الجديدة للمرضى
اتمنى المعلومات في الفيديو دي تكون
فادتك
تابع القناة دايما لفيديوهات تانية جديدة عن
الامراض الروماتيزمية وعلاجاتها
تحياتي